Bu gün futbol üzrə ölkə kubokunda yarımfinal mərhələsinin cavab oyunları keçirilin.

Matçlar "CBC Sport"un efirində canlı yayınlanıb.

Ölkə kuboku
yarımfinal, cavab oyunları
24 aprel
Qarabağ – Neftçi 4:1
Olavio Juninyo, 16, 70, Qara Qarayev, 62-öz qapısına, Nəriman Axundzadə, 77 - Reziuan Mirzov, 64
Cəzalı: Eddi İsrafilov (Neftçi).
Hakimlər: ƏLİYAR AĞAYEV, Zeynal Zeynalov, Akif Əmirəli, Rauf Cabarov.
Hakim-inspektor: İmanxan Sultani.
AFFA nümayəndəsi: Elgiz Abbasov.
Bakı. Tofiq Bəhramov adına Respublika stadionu. Saat 20.00.
İlk oyun - 4:0.

İlk matç çox gözlənilməz hesabla bitdi. “Qarabağ”ın cütün taleyini həll etdiyini desək, yanılmarıq. Ən azı 4:0 hesabı belə danışmağa əsas verir. Belədə cavab oyununa marağın nə dərəcədə olacağı şübhə altındadı. Məşhur “bu futboldu, hər şey ola bilər” prinsipinə söykənmək üçün bir neçə səbəb var. “Köhlən atlar” premyer-liqada son iki turda qələbə qazana bilməyib. Çempionluğu erkən təmin edən komandada motivasiyasızlıq yaranıb, aqressivlik azalıb. Bu məqam rəqib üçün motivasiya mənbəyi ola bilərmi? Çox güman, yox. Matçın Ağdam təmsilçisinin meydanında keçirilməsi və kollektivin həlledici oyuna daha istəkli çıxması kimi məsələlər ön plana çıxsa, son sözü “Qarabağ” deyəcək. “Neftçi” isə... Son çempionat oyununda “Zirə”nin meydanından başıaşağı ayrılan (1:3) bakılılar möcüzə uğrunda savaşmalıdı. Miodraq Bojoviç və komandası hadisələrin axarını dəyişə biləcəkmi? Azarkeşlərin boykot qərarının davam etdiyini də nəzərə alsaq, qələbə “ağ-qaralar”a çox lazımdı.

Qəbələ - Zirə 0:2
Vladislav Kulaç, 62, Rafael Utziq, 85[/b]
Cəzalı: yoxdu.
Hakimlər: TURAL QURBANOV, Müslüm Əliyev, Vüsal Məmmədov, Rauf Allahverdiyev.
Hakim-inspektor: Rövşən Əhmədov.
AFFA nümayəndəsi: Nəriman Axundov.
VAR hakimi: Cavid Cəlilov
VAR hakiminin köməkçisi: Eyyub İbrahimov
Qəbələ. Şəhər stadionu. Saat 17.00.
İlk oyun - 1:2.

KƏNAN BAHADIR