Bu gün Misli premyer-liqasını 23-cü turunun təxirə salınmış oyunu keçirilib.

Matç “CBC Sport” vasitəsilə canlı yayınlanıb.
Misli premyer-liqası

3-cü dövrə, 23-cü tur
28 fevral
Qəbələ - Qarabağ 0:4
Qollar: Adama Diakabi, 47, Riçard Almeyda, 59-p., Nəriman Axundzadə, 66, Marko Yankoviç, 80
Qırmızı vərəqə: Feras Abu Akal, 52
“Qəbələ”nin bu rəqiblə ev oyunlarının balansı: 29:+7=7-15, 27:41.
2006/07 – 0:2; 2007/08 – 1:2; 2008/09 – 1:2; 2009/10 – 1:1, 3:1; 2010/11 – 2:1: 2010/11 – 0:0; 2011/12 – 1:0; 2012/13 – 1:1, 0:2; 2013/14 – 0:1, 0:1; 2014/15 – 2:1, 1:1; 2015/16 – 2:2, 1:2; 2016/17 – 2:0, 2:0; 2017/18 – 1:0, 0:1; 2018/19 – 1:3, 1:2; 2019/20 – 1:1; 2020/21 – 1:1, 0:5; 2021/22 – 0:2; 2022/23 – 0:1, 1:3; 2023/24 – 1:2.
Cəzalı: Emil Səfərov (Qəbələ)
“Futbol+”in proqnozu: 30-30-40.
Qəbələ, şəhər stadionu. Saat 19.00.

Bu oyun fevralın 18-də keçirilməliydi. Lakin “Qarabağ”ın müraciətindən, “Qəbələ”nin müsbət cavabından sonra tarix dəyişdi. İndi “qırmızı-qaralar” “doğma divarlar” arasında çempionatın şəriksiz lideriylə üz-üzə gələcək. Matç həm də meydan sahiblərinin yeni baş məşqçisi Kaxaber Sxadadzenin debütü baxımından əlamətdar olacaq. Bundan başqa, “Qəbələ” qələbə qazanacağı təqdirdə “Kəpəz”lə xal fərqi yenidən 5-ə enəcək. Bəs bu ehtimal nə dərəcədə realdı? Detallara nəzər salsaq, “Qarabağ” yorğundu. Lakin bu halda belə ikinci pillədəki rəqibi – “Sumqayıt”ı iki cavabsız qolla məğlub edibsə, autsayderlə oyunda qələbə şansı daha yüksəkdi. Bu mənada “Qəbələ”nin, sadəcə, möcüzə təqdirində xal qazanmaq şansı var. Tarixdəki nəticələrə əsasən ruh yüksəkliyi və ya düşkünlüyü yaşamaq seçimi isə onlarındı. Axı “qırmızı-qaralar” son 22 matçda “Qarabağ”ı məğlub edə bilməyib. Üstəlik “köhlən atlar” 12 turdu uduzmur. Qurban Qurbanovun komandası çempionluğu erkən təmin etmək məqsədilə bu oyunda da üç xala yiyələnməyə çalışacaq.

Ümumiyyətlə, bu komandalar indiyə qədər 60 dəfə üz-üzə gəlib. Bunların 10-da “Qəbələ”, 35-də “Qarabağ” qələbə qazanıb, 15-də “sülh” qeydə alınıb. Topların nisbətində “köhlən atlar” öndədi – 98:45.

KƏNAN BAHADIR