Bu gün Türkiyə çempionatının 33-cü turunda lider ''Qalatasaray'' ''Pendikspor''u qəbul edəcək.

“Football-plus.az” xəbər verir ki, ''cim-Bom'' aktivinə 3 xal yazacağı təqdirdə çox mühüm bir göstəriciyə nail olacaq. Belə ki, komanda superliqada ardıcıl 14-cü qələbəsini qazanaraq turnirin tarixində özünə məxsus olan rekordu təkrarlayaraq. İstanbul nəhəngi bu rekordu ötən mövsümün gedişində müəyyənləşdirib. Okan Burukun komandası 2022/23-də 12-25-ci turlarda ardıcıl 14 qələbə qazanmışdı. Amma həmin vaxt qələbələrdən biri texniki xarakter daşımışdı. Belə ki, ''Qaziantep'' zəlzələdən sonra çempionatdan çəkilmiş və digər matçlarda olduğu kimi ''Qalatasaray''la oyunda da texniki məğlubiyyət almışdı. Ötən mövsümə qədər isə bu rekord 63 il ''Beşiktaş''a məxsus idi. ''Qartal'' 1959/60-ın gedişində ardıcıl 13 qələbə qazanmışdı. Onu da vurğulayaq ki, ''Qalatasaray'' bu gün qalib gələcəyi təqdirdə superliqada evdəki qələbə seriyasını 20, məğlubiyyətsiz seriyanı isə 34 oyuna yüksəldəcək.

ƏLİ