Naxçıvan Muxtar Respublikasının rəhbərliyi və Futbol Federasiyası arasında görüşlər keçirilir. Səbəb isə “Araz-Naxçıvan”ın 1-ci divizonda çıxış edərkən ev oyunlarını keçirdiyi stadionun təmir-bərpa işlərinin həyata keçirilməsi və yeni inşa ediləcək arenayla bağlı ilkin addımların atılmasıdı.

Əldə etdiyimiz məlumata görə, ilkin toplantılar zamanı əsas müzakirə mövzusu köhnə idman qurğusu üçün nəzərdə tutulan proseslərin may ayının əvvəlinə qədər başa çatdırılması olub. Daha sonra işlərin yubanacağı ortaya çıxıb. Çünki layihələndirmə zamanı görüləcək işlərin uzun vaxt alacağı bəlli olub. Hələ ki stadionla bağlı ilk proses tenderin elan edilməsiylə bağlıdı. Bu, qarşıdakı həftələrdə həyata keçiriləcək. Belədə “Araz-Naxçıvan”ın sözün əsl mənasında doğmça meydana qayıtması növbəti mövsümə qədər ertələnib. Yeni tikiləcək arenayla bağlı planlar daha genişmiqyaslıdı. Çünki məqsəd, sadəcə, stadion tikmək yox, Olimpiya Kompleksi araya-ərsəyə gətirməkdi. Bunun üçün planlar azı iki il icra edilməsi məqsədilə nəzərdə tutulub.

KƏNAN BAHADIR