Almaniya çempionatının “Ayntraxt” (Frankfurt) ilə oyunu Seru Qirassi üçün əlamətdar olub.

O, “Ştutqart”ın 3:0 hesablı qələbəsində bir qolla rol oynayıb. Hücumçu hesabı açmaqla bundesliqanın cari mövsümündə 25-ci qolunu vurub. Qirassi bununla da klub rekordunu yeniləyib. Afrikalı futbolçu 2008/09 mövsümündə Almaniya çempionatında 24 qolun müəllifi olan Mario Qomesi arxada qoyub.