Maksim Medvedev cari mövsümün sonunda "Qarabağ"dan ayrılmaq niyyətindədi.

"Football-plus.az"a verilən məlumata görə, futbolçu karyerasına Rusiyada davam etmək istəyir. O, şimal qonşumuzdan gələn xeyli sayda təklifdən birini dəyərləndirmək qərarına gəlib.

Maksimin transfer edilməsində ən israrlı klub isə "Rostov"du. Komanda 22 turdan sonra 28 xalla premyer-liqanın turnir cədvəlinin 9-cu pilləsində qərarlaşıb.

Xatırladaq ki, Medvedev həm də millimizin sabiq üzvüdü. Onun "Qarabağ"la müqaviləsinin müddəti cari mövsümün sonunda başa çatır. Futbolçu 2006-cı ildən Ağdam təmsilçisinin şərəfini qoruyur.

KƏNAN BAHADIR