Aprelin 20-də Stenli kuboku uğrunda oyunlar start götürəcək.

"Football-plus.az" xəbər verir ki, artıq pley-offa vəsiqə qazanan 7 komanda bəllidi. Srağagün keçirilən oyunlardan sonra “Vankuver”in Qərb konfransında heç bir halda ilk “8-liy”i tərk etməyəcəyi aydın oldu. Buna qədər elə həmin konfransdan “Dallas”la “Kolorado”, Şərq konfransından isə “Reyncers”, “Karolina”, “Boston” və “Florida” pley-offa adlamışdı.

“Vankuver”dən söz düşmüşkən, bu komanda “Anahaym”ı məğlub etməklə tarixində 10-cu, 2014/15 mövsümündən bəri isə ilk dəfə 100 xal həddinə çatdı.

“Toronto”nun hücumçusu Oston Mettyus komandasının “Baffalo”ya 3:0 hesabıyla qalib gəldiyi oyunda bir qol vurdu. Amerikalı 2023/24 mövsümündə 60 qol həddinə çatdı. Karyerasında 2-ci dəfə mövsüm ərzində 60 qol vuran Mettyus MHL tarixində bunu bacaran 9-cu hokkeyçi oldu. Ona qədər Mayk Bossi, Ueyn Qretski (hərəyə 5 dəfə), Fil Espozito, Mario Lemye (hərəyə 4 dəfə), Brett Hall (3), Pavel Bure, Yari Kurri və Stiv Ayzerman (hərəyə 2 dəfə) mövsüm ərzində 60 qol vura bilib.

30 mart
Baffalo – Nyu-Cersi 5:2 (0:2, 2:0, 3:0)
Florida – Detroyt 3:2 Б (0:1, 0:0, 2:1, 0:0, 1:0)
Minnesota – Veqas 1:2 ОТ (0:0, 1:0, 0:1, 0:1)
Edmonton – Anahaym 6:1 (3:0, 2:0, 1:1)
31 mart
Arizona – Reyncers 5:8 (0:1, 3:2, 2:5)
Kolorado – Neşvill 7:4 (2:3, 3:1, 2:0)
Baffalo – Toronto 0:3 (0:1, 0:1, 0:1)
Vaşinqton – Boston 2:3 Б (0:1, 2:1, 0:0, 0:0, 0:1)
Vinnipeq – Ottava 2:3 (0:0, 1:2, 1:1)
Kolambus – Pittsburq 4:3 Б (1:0, 0:2, 2:1, 0:0, 1:0)
Monreal – Karolina 0:3 (0:0, 0:1, 0:2)
Tampa-Bey – Aylenders 4:1 (2:1, 0:0, 2:0)
Filadelfiya – Çikaqo 1:5 (0:2, 1:1, 0:2)
Sent-Luis – San-Xose 0:4 (0:0, 0:3, 0:1)
Kalqari – Los-Anceles 4:2 (2:1, 1:1, 1:0)
Sietl – Dallas 0:3 (0:0, 0:1, 0:2)
Vankuver – Anahaym 3:2 (1:0, 1:0, 1:2)