Noyabrın 4-dən 5-nə keçən gecə bu liqada qol sayında yeni rekord müəyyənləşib.

"Football-plus.az" xəbər verir ki, klublar 114 qol vurub. Əvvəlki rekord (103) 1993-cü il yanvarın 23-də müəyyənləşdirilmişdi.

Səfərdə “San-Xose”ni darmadağın edən “Pittsburq” 21-ci əsrdə 3-cü dəfə bir oyunda 10 və daha artıq qol vurdu. “Pinqvinlər” ötən il müntəzəm çempionatda “Detroyt”a 11:2, 2012-ci ildə isə pley-offda “Filadelfiya”ya 10:3 hesabıyla qalib gəlmişdi.

“Vaşinqton” srağagün “Kolambus”u məğlub etməklə ev qələbələrinin sayını 1000-ə çatdırdı. Paytaxt klubu buna 1904-cü oyunda nail oldu. “Vaşinqton” bu göstəricidə 14 kluba qoşuldu. Əvvəllər MHL-də 1000 ev qələbəsi həddinə “Reyncers”, “Çikaqo”, “Los-Anceles”, “Aylenders”, “Dallas”, “Detroyt”, “Pittsburq”, “Sent-Luis”, “Baffalo”, “Kalqari”, “Toronto”, “Boston”, “Filadelfiya” və “Monreal” çatıb.

Fərdi baxımdan seçilən hokkeyçi də var. “Toronto”nun hücumçusu Oston Mettyus komandasının “Baffalo”ya 4:6 uduzduğu oyunda het-triklə yadda qaldı. Yeni mövsümün ilk 11 oyununda 3-cü dəfə het-trik edən 26 yaşlı forvard son 101 ildə bunu bacaran ilk hokkeyçidi. Sonuncu dəfə Beyb Day (Toronto) 1922/23 mövsümündə ilk 4 oyunda 3 het-trik edib.

4 noyabr
Baffalo – Filadelfiya 1:5 (0:3, 0:1, 1:1)
Sent-Luis – Nyu-Cersi 4:1 (0:0, 2:1, 2:0)
Edmonton – Neşvill 2:5 (1:1, 1:3, 0:1)
Arizona – Vinnipeq 3:5 (1:0, 2:3, 0:2)

5 noyabr
Vaşinqton – Kolambus 2:1 (2:0, 0:1, 0:0)
Detroyt – Boston 5:4 (1:2, 1:1, 3:1)
Ottava – Tampa-Bey 4:6 (1:1, 0:3, 3:2)
Sent-Luis – Monreal 6:3 (2:1, 1:1, 3:1)
Toronto – Baffalo 4:6 (1:1, 1:2, 2:3)
Filadelfiya – Los-Anceles 0:5 (0:2, 0:2, 0:1)
Aylenders – Karolina 3:4 ОТ (1:0, 2:1, 0:2, 0:1)
Minnesota – Reyncers 5:4 Б (0:3, 2:0, 2:1, 0:0, 1:0)
Çikaqo – Florida 5:2 (3:0, 1:0, 1:2)
Vankuver – Dallas 2:0 (0:0, 2:0, 0:0)
Veqas – Kolorado 7:0 (1:0, 3:0, 3:0)
San-Xose – Pittsburq 2:10 (0:2, 1:5, 1:3)
Sietl – Kalqari 3:6 (2:1, 0:1, 1:4)

6 noyabr
Çikaqo – Nyu-Cersi 2:4 (1:2, 0:0, 1:2)
Anahaym – Veqas 4:2 (0:1, 0:1, 4:0)