“Onu deyə bilərəm ki, doğrudan da, bir derbi idi. İlk 20 dəqiqə “Baku Sportinq”in üstünlüyü şəraitində keçdi, bizi sıxırdılar, hücuma keçməyə imkan vermirdilər. Sonra yavaş-yavaş oyunu düzəltdik. 20-ci dəqiqədən sonra oyun, demək olar ki, bərabərləşdi, 2-ci hissədə üstünlük bizdə oldu. Fürsətlərimiz də oldu, heyif ki, yararlana bilmədik. Bir qol həlledici olacaqdı. Onların qol imkanı bizdən çox oldu. Düşünürəm ki, liderlə oyun üçün pis nəticə deyil. Əliyar Ağayev də oyunu yüksək səviyyədə idarə etdi. Məncə, belə oyunlar çox olsa, futbolumuzun inkişafına xeyri dəyər”.