Noyabrın 23-24-də futbol üzrə ölkə çempionatının 2-ci liqasında 12-ci turun 4 oyunu keçirildi.

Srağagünkü “Füzuli” – “Göygöl” oyununda hadisələr dramatik axar aldı. Qarabağ təmsilçisi hissənin sonunda hesabı açsa da, qonaqlar 2-ci hissədə iki qolla önə çıxdı. Amma son sözü “Füzuli” dedi. Cəsur və Əziz Hüseynovların son dəqiqələrdə vurduğu qollar “Füzuli”yə mövsümdəki 6-cı qələbəsini qazandırdı.

Dünən keçirilən oyunlara gəlincə, “Baku Sportinq” evdə “Qusar”ın müqavimətini təcrübəli Röyal Nəcəfovun 90-cı dəqiqədə vurduğu qolla qırdı. Halbuki qonaqlar ilk 20 dəqiqədən sonra 2:0 öndə idi. Qusarın eyniadlı təmsilçisi Şamaxıda “Şəfa”nı darmadağın etdi. Günün daha bir oyununda “Sheki City” ilə “Kür-Araz” bir-birinin qapısına yol tapa bilmədi. 12-ci turun son iki oyunu bu gün keçiriləcək:

“Lerik” “Cəbrayıl”ı, “Şəmkir” “Kürmük Qax”ı qəbul edəcək.

23 noyabr
Füzuli – Göygöl 3:2
Hüseyn Axundov, 45. Cəsur Hüseynov, 84. Əziz Hüseynov, 89 – Vüqar Əşrəfli, 68. Ülvi Cəlilov, 77.

24 noyabr
Baku Sportinq – Qusar 3:2
Elməddin Hüseynzadə, 22. Məhəmməd Xəlilov, 26. Röyal Nəcəfov, 90 - Eşqin Tağıyev, 6. Emin Əliyev, 20.

Sheki City - Kür-Araz 0:0

Şahdağ Qusar - Şəfa 5:0
İlqar Hüseynov, 7. Ruslan Ağalarov, 41. Tural Qurbatov, 69–p.; 76-p. Coşqun Qorçiyev, 72.

25 noyabr
Lerik - Cəbrayıl 1:3
Lənkəran, Olimpiya İdman Kompleksinin stadionu. Saat 14.00.

Şəmkir - Kürmük Qax 1:0
Şəmkir, Olimpiya İdman Kompleksinin stadionu. Saat 14.00.

Turun ilk oyunu noyabrın 22-də keçirilib: Ağdaş – Dinamo 3:1.
Xal durumu: Baku Sportinq – 31, Cəbrayıl, Şahdağ Qusar – 24, Füzuli, Qusar - 23, Göygöl – 22, Sheki City – 20, Kür-Araz – 16, Dinamo – 15, Ağdaş – 12, Lerik – 11, Kürmük Qax – 7, Şəfa – 4, Şəmkir – 3.

Bombardirlər: Vüqar Əşrəfli (Göygöl) - 15, Tural Qurbatov (Şahdağ Qusar) - 11.