“Mingəçevir”in əsas məqsədi 1-ci liqada qalmaqdı - “Sponsoru olmayan klublardan biri də bizik”
1-ci liqada 19-cu turun oyunlarından birində sensasiya baş verib. Belə ki, aşkar autsayder “Araz Saatlı” doğma meydanda “Mingəçevir”in qapısından dörd cavabsız top keçirib.
Təbii ki, biz bu acınacaqlı məğlubiyyətin səbəblərini ilk növbədə “Mingəçevir”in baş məşqçisi Ədəhim Niftəliyevdən öyrənməyə çalışmaq. Nədənsə danışmağa həvəs göstərmədi. Belədə həm son nəticələr, həm də klubun maliyyə durumu, “F-Holdinq” ilə mümkün əməkdaşlığın perspektivləri haqda mətbuat katibi Elnur Qasımovun fikirlərini öyrəndik:
“Qış fasiləsindən sonra keçirdiyimiz 7 oyunun dördündə uduzmuşuq. Əslində gözləmədiyimiz məğlubiyyətlər oldu. “Araz Saatlı” da həmin məğlubiyyətlərdən biridi. 1-ci liqada sponsoru olmayan klublardan biri də bizik. Düzdü, əməkdaşlıq etdiyimiz şirkətlər var. Amma əsas sponsorun olmasını çox istəyərdik. Mingəçevir futbol ənənələri olan şəhərdi. Bildiyiniz kimi, uzun müddət idi şəhərimiz böyük futboldan uzaq düşmüşdü. İndi əsas məqsədimiz 1-ci liqada qalmaqdı. Gələcək illərdə premyer-liqada təmsil olunmaq üçün infrastrukturumuza diqqət ayırırıq. “F-Holdinq”ə gəlincə, bu yöndə hansısa danışıq yoxdu. Olarsa, Futbolun İnkişaf Fondu ilə birlikdə açıqlayacağıq”.
ƏSƏD SEYİDOV
Digər xəbərlər
