Oğlu Ronaldinyonun yolu ilə gedir.

“Barselona”nın baş məşqçisi Xavi Ernandes əfsanəvi futbolçunun oğlu Joao Mendeşi əsas heyətlə birgə məşqlərə cəlb etməyə başlayıb. “Marca”nın məlumatına görə, Xavi İspaniya çempionatında yaranan fasilə zamanı gənclər və yeniyetmələrdən ibarət komandalardan bir neçə futbolçunu, o cümlədən Joao Mendeşi əsas komandaya dəvət edib. Ronaldinyonun oğlu əsas komandanın məşqində iştirak edib.

19 yaşlı yarımmüdafiəçi 2023-cü ilin martından İspaniya klubunun gənclərdən ibarət komandasında çıxış edir. Joao Mendeş karyerasına 2018-ci ildə “Kuzeyro”da başlayıb. 14 yaşında ilk peşəkar müqaviləsini imzalayıb. 2022-ci ilin yayında isə “Barselona”ya keçib.