“Rövşən müəllim böyük bir təşkilatın rəhbəridi. Bildiyiniz kimi, ondan öncə də Rövnəq Abdullayev “Neftçi”nin prezidenti olandan sonra AFFA-ya gəlmişdi. Hazırda AFFA-ya, Azərbaycan futboluna ən böyük dəstək verən şirkət SOCAR-dı. Yəni SOCAR-ın rəhbərinin AFFA-ya prezident təyin olunmasında qeyri-adi heç nə görmürəm. Hesab edirəm ki, o da öz növbəsində futbolumuzun inkişafı üçün əlindən gələni edəcək. Eyni zamanda futbolumuzun gələcək inkişafı üçün müəyyən proqramlar da tərtib olunacağını gözləyirəm”.

“İstəmirəm ki, tələskənlik edib qabaqcadan fikirlər səsləndirim. Hazırda ölkə futbolu üçün Rövşən Nəcəfdən çox futbolla bağlı öz dəyərli düşüncələrini və təkliflərini verən insanlara ehtiyac var. Hətta şəxsim adına deyirəm ki, futbolumuzun inkişafına dair fikirlərimi növbəti prezident seçkisindən sonra federasiya rəhbərliyinə təqdim edəcəm. Bu üzdən də burda qınanılası bir məsələ varsa, o da futbol adamlarının özüdü. Çünki həmin şəxslər, harda və nə vaxt təkliflər irəli sürdülər ki, qəbul olunmadı? Bu gün ölkədə futbolun inkişafı üçün ağıllı strategiyaya ehtiyac var. Ona görə də sistemli şəkildə iş görmək lazımdı. Bildiyiniz kimi, futbolumuza ən böyük maliyyəni SOCAR ayırır. Onun da prezidentinin AFFA-ya təyin olunması yaxşı haldı. Ona görə də qınamağı bir kənara qoyub, təkliflərlə çıxış etmək lazımdı. Bu səbəbdəndi ki, pozitivəm. Hazırda premyer-liqada mübarizə aparan klublara 3 milyon, 1-ci liqadakılara 300 min, 2-ci liqadakılara 50 min və Region Liqasındakı klublara çıxdığı hər oyuna görə 300 manat verilir. Yaxşı-pis – bu, Rövnəq Abdullayev və onun kollektivinin qəbul etdiyi qərardı, bunu danmaq olmaz. Bu keçmiş rəhbərliyin xidmətidi. Rövşən müəllimin gəlişindən sonra isə premyer-liqa, 1-ci liqa, 2-ci liqa, Region Liqası klubları ölkədə futbol infrastrukturunun yaxşılaşdırılması üçün təkliflər verməlidi. Xatırlayırsızsa, Qurban Qurbanov demişdi ki, hər şey sistemli şəkildə olmalıdı. Ona görə də indi tənqidi fikirlərdənsə, sistemli şəkildə təkliflər edilməlidi”.