''Qalatasaray'' camiəsinin göz bəbəyi Mauro İkardi pillə-pillə adını klubun tarixinə yazdirmaqda davam edir.

Məlum olduğu kimi argentinalı forvard İstanbul nəhəngində ikinci mövsümünü keçirir. Ən son ''Kasımpaşa'' ilə qarşılaşmada dubl edən məşhur futbolçu bu mövsüm bütün turnirlərdə vurduğu qolların sayını 23-ə çatdırdı və ötən mövsümkü göstəricisini indidən tekrarladı. İndiyə qədər İkardi ''Qalatasaray''ın heyətində 64 rəsmi oyunda 46 qol, 18 məhsuldar ötürmə ilə fərqlənib. Yəni o, 64 oyunda 64 qolun vurulmasında yaxından iştirak edib. Başqa sözlə desək, İkardi Türkiyə karyerasında orta hesabla meydana çıxdığı hər oyunda 1 qolun vurulmasında yaxından iştirak edir. Onun klub tarixinin ən məhsuldar oyunçuları siyahısındakı mövqeyinə gəlincə, ''Kasımpaşa''ya vurduğu qollar sayəsində İkardi Uesli Sneyderi (45) geridə qoyaraq 4-cü pilləyə yüksəldi. İndi o, yalnız Bafetimbi Qomis (51), Milan Baroş (61) və əfsanəvi George Hacidən (72) geri qalır. Amma orta hesabla hər oyuna vurulan qol (0,72) baxımından İkardi hazırda klub tarixində ən azı 50 oyuna çıxmış futbolçular arasında ən yaxşıdı!

ƏLİ