''Qalatasaray''ın argentinalı ulduzu Mauro İkardi məhsuldar performansını davam etdirir.

"Football-plus.az" xəbər verir ki, təcrübəli futbolçu ''Qalatasaray''ın dünən 8-ci tur çərçivəsində səfərdə ''Antalyaspor''u 2:0 hesabı ilə yendiyi qarşılaşmanı 1 qol, 1 məhsuldar ötürmə ilə tamamladı. ''Qalatasaray''da 40-cı rəsmi oyunda 35-ci qolunu vuran 30 yaşlı futbolçu daha bir rekord qıraraq adını Türkiyə çempionatı tarixinə yazdırdı. Belə ki, İkardi bu turnirdə 30 qol həddinə ən tez çatan futbolçu oldu. Rekordun əvvəlki sahibi seneqallı Mbaye Dianye 30 qola 33-cü oyunda çatmışdısa, İkardi 32-ci oyunda çatdı.

ƏLİ