Erlinq Holann Norveç yığmasının məşqi zamanı zədələnib.

"Football-plus.az" xəbər verir ki, 23 yaşlı futbolçu məşqi vaxtından əvvəl başa vurub. Beləliklə, Holann milli komandanın bu ay Çexiya (22 mart) və Slovakiya (26 mart) ilə yoldaşlıq görüşlərini buraxacaq. “Mançester Siti”nin hücumçusunun İngiltərə çempionatının 30-cu turunun “Arsenal”la martın 31-də keçiriləcək oyununda iştirakı sual altındadı.

O, bu mövsüm MS-nin heyətində bütün turnirlərdə 34 oyuna çıxıb, 29 qol vurub və 6 məhsuldar ötürmə edib. Erlinq milli komandada 2019-cu ildən çıxış edir. Yığmada 29 oyuna 27 qol vurub.