2-ci liqa istisna olmaqla, futbol üzrə ölkə çempionatlarında fasilə davam edir.

Lakin yerli azarkeşlər Novruz bayramı əhval-ruhiyyəsi içində futbolsuz qalmayacaq. Çünki millimiz ali futbol qurumunun ilk dəfə həyata keçirəcəyi “FİFA series - Edition 2024” layihəsində iştirak edir. Turnirin ev sahibi isə məhz Azərbaycandı.

Monqolustan, Tanzaniya və Bolqarıstan komandaları Bakıdadı. Qeyd edək ki, bu komandaların azarkeşlərinin Bakıya gəlmək ehtimalı yoxdu. Mümkün olarsa, həmin ölkələrin Azərbaycandakı səfirliklərinin əməkdaşları və ya ölkəmizdə yaşayan vətəndaşları gəlib matçları izləyə bilər.

Yarışa gəlincə, “FİFA series - Edition 2024”, sadəcə, millilərin yoldaşlıq oyunlarının asan təşkil olunması yönündə atılan addımdı. Yəni burda hansısa mükafatdan və ya ciddi nailiyyətdən söhbət getmir. Lakin millimiz üçün faydasız olacağını iddia etsək, yanıla bilərik. Yığmamız turnir çərçivəsində meydana çıxıb oyun formasını və ciddi yarışlarda daha iddialı performans üçün lazım olan təcrübi məqamları müəyyən mənada yaxşılaşdıra bilər. Çox güman, burda fərqli çempionatlarda iştirak edən legionerlərimizin gələcəkdə daha yaxşı anlaşmasınının təmin edilməsi üçün şərait də yaranacaq.

25 mart
Tanzaniya – Monqolustan 3:0
Hakimlər: ELÇİN MƏSİYEV, Elşad Abdullayev, Pərvin Talıbov, Rəşad Əhmədov (hamısı Azərbaycan).
Mərdəkan. “Liv Bona Dea Arena”. Saat 17.00.

Azərbaycan – Bolqarıstan 1:1
Musa Qurbanlı, 87 - Filip Krastev, 59
Hakimlər: KRİSTO TOHVER, Sander Saqa, Sten Klaasen (hamısı Estoniya), İnqilab Məmmədov (Azərbaycan).
Bakı. Tofiq Bəhramov adına Respublika stadionu. Saat 20.00.

22 mart
Tanzaniya – Bolqarıstan 0:1
Hakimlər: ƏLİYAR AĞAYEV, Zeynal Zeynalov, Akif Əmirəli, Rauf Cabbarov (hamısı Azərbaycan).
Mərdəkan. “Liv Bona Dea Arena”. Saat 17.00.

Azərbaycan – Monqolustan 1:0
Bəhlul Mustafazadə, 90
Hakimlər: ZORBAY KÜÇÜK, Mehmet Emin Tuqral, İbrahim Çağlar Uyarcan (hamısı Türkiyə), Fəridə Lütfəliyeva (Azərbaycan).
Bakı. Tofiq Bəhramov adına Respublika stadionu. Saat 20.00.

KƏNAN BAHADIR