“Qaradağ Lökbatan”la “Şamaxı” 2:2-dən başqa hesab “tanımır”
Millilərə görə yaranan fasilədən istifadə edən 1-ci liqa klublarından “Qaradağ Lökbatan”la “Şamaxı” martın 20-də yoldaşlıq oyunu keçirib.
Qaradağdakı Olimpiya İdman Kompleksində keçirilən oyun heç-heçə bitib – 2:2. Maraqlıdı ki, bu komandalar arasında martın 13-də Şamaxıda keçirilən çempionat oyununda da eyni hesabı qeydə alınmışdı.
“Football-plus.az” hər iki komandanın baş məşqçisinin oyunla bağlı fikirlərini öyrənib.
Ramiz Məmmədov (Şamaxı):
“Tətilə çıxmamış “Qaradağ Lökbatan”la oynamağı seçdik. Oyunda 0:1 geri düşməyinizə baxmayaraq, futbolçularım özlərində güc tapıb hesabda önə keçə bildi. Bəzi zədəli oyunçularımız var idi. Onlara da istirahət verdik. Ümumilikdə yoldaşlıq görüşü 2:2 hesabıyla yekunlaşdı. Futbolçularımın fiziki hazırlığından razı qaldım. “Qaradağ Lökbatan”a uğurlar arzulayıram”.
Azər Həşimov (Qaradağ Lökbatan):
“Fasilədən istifadə edib “Şamaxi” ilə yoxlama görüşü keçirdik. Hər bir futbolçumuza şans verdik ki, oyun təcrübəsini bir qədər də artırsın. Yoxlama göruşu olmasına baxmayaraq, maraqlı, gərgin mübarizə şəraitində keçdi. Əzmkar oyun nümayiş etdirdiyinə görə futbolçularımın hər birinə təşəkkürümü bildirirəm”.
ƏSƏD SEYİDOV
Digər xəbərlər
