Çempionlar Liqasında qrup mərhələsinin 5-ci turunun əsas sürprizlərindən biri Münhendə qeydə alındı.

“Football-plus.az” xəbər verir ki, ''Bavariya'' gözlənilmədən ''Kopenhagen''in müqavimətini qıra bilmədi və qarşılaşma qolsuz başa çatdı. Bununla da ''rekordmayster''in birdən-birə iki möhtəşəm rekordu qırıldı. Komandanın ÇL-in qrup mərhələsində 17 oyunluq qələbə və 38 oyunluq qol vurmaq seriyaları başa çatdı. Hər iki göstərici qrup mərhələsi üçün rekord idi. Münhen nəhəngi qrupda qələbəyə həsrət qaldığı son matçı 2020/21-in 5-ci turunda səfərdə ''Atletiko''ya qarşı keçirmişdi (1:1). Komandanın qola həsrət qaldığı son oyun isə 2017/18-in 1-ci turunda səfərdə PSJ-yə qarşı olmuşdu (0:3). İndi ''Bavariya''nın yalnız bir seriyası davam edir. Komanda ÇL-in qrupunda ardıcıl 39-cu oyunda məğlubiyyət acısı yaşamadı (35 qələbə, 4 heç-heçə). Az öncə qeyd etdiyimiz PSJ ilə oyun həm də ''Bavariya''nın qrupda uduzduğu son qarşılaşmadı.

ƏLİ