Türkiyə yığmasının, eləcə də ''Trabzonspor'' və ''Beşiktaş''ın sabiq futbolçusu Ersen Martin dünən gözlərini əbədi olaraq yumdu.

2022-ci ilin mayında aorta damarının genişlənməsindən sonra uzun müddətdi yataq xəstəsi olan, vəziyyəti günü-gündən ağırlaşan, son günlər isə süni nəfəs aparatına qoşulan sabiq hücumçu 44 yaşında dünyasını dəyişdi.

1979-cu ildə Almaniyada doğulan Martin ''Nürnberq''də karyerasına başladıqdan sonra Türkiyəyə gəlmiş və uzun illər burda çıxış etmişdi. 196 sm boya malik olan və taran tipli forvardlardan olan Martin ''Beşiktaş'', ''Siirtspor'', ''Göztəpə'', ''Denizlispor'', ''Ankaraspor'', ''Trabzonspor'', ''Sivasspor'', ''Manisaspor'', ''Kasımpaşa'', ''Gənclərbirliyi'', ''Eyupspor''da, eləcə də qısa müddət İspaniya təmsilçisi ''Rekreativo''da forma geymişdi.

Klub karyerasında 371 rəsmi oyunda 101 qol vuran Martin Türkiyə yığmasının şərəfini isə 3 oyunda qorumuşdu.

ƏLİ