Ötən yay karyerasını bitirən tanınmış türkiyəli yarımmüdafiəçi Özər Hurmacı ilə bağlı maraqlı xəbər var.

35 yaşlı Özər Türkiyənin çimərlik futbolu üzrə yığmasına dəvət alıb. Komandanın 22-30 apreldə Antalyanın Manavqat bölgəsində keçəcəyi toplanış üçün dəvət alan 19 futbolçunun arasında Özər Hurmacının da adı var.

Xatırladaq ki, Hurmacı daha öncə ''Ankaraspor'', ''Fənərbaxça'', ''Trabzonspor'', ''Kasımpaşa'', ''Akhisar Bələdiyəspor'', ''Osmanlıspor'', ''Sivasspor'' və son olaraq ''Bursaspor''un şərəfini qoruyub. Keçən yay Bursa təmsilçisindən qalmaqallı şəkildə ayrıldıqdan sonra heç bir klubdan təklif almayınca karyerasını bitirmək qərarına gəlmişdi. Özər Türkiyə yığmasının şərəfini 2 oyunda qoruyub. Klub karyerasında isə 433 oyunda 43 qol, 51 məhsuldar ötürmə ilə fərqlənib. Son aylarda sabiq futbolçu daha çox həyat yoldaşı Mehriban Hurmacı ilə ilə yaşadığı qalmaqallarla gündəmdə idi.