"Bəli, "Kəpəz" rəhbərliyi bizə müraciət edib” – bəs “Turan Tovuz” necə cavab verib?
Stadionsuz qalan "Kəpəz"in cari mövsümdəki qalan ev oyunlarını Tovuzda keçirəcəyi ilə bağlı xəbərlər yayılıb.
Görəsən, "Kəpəz" rəhbərliyi doğrudan da "Turan Tovuz"a müraciət edibmi? Bu sualı "Turan Tovuz"un maliyyə və infrastruktur üzrə direktoru Əli Balakişiyevə ünvanladıq. Onun "Football-plus.az"a söylədikləri:
"Bəli, "Kəpəz" rəhbərliyi bizə müraciət edib. Bildiyiniz kimi, bizim bir stadionumuz var. Akademiya, əvəzedici heyət və əsas komandamız məşqlərini və oyunlarını bu meydanda keçirir. Buna baxmayaraq, “Kəpəz” rəhbərliyinin müraciətinə klubumuzun rəhbəri Ehtiram müəllim tərəfindən müsbət cavab verilib. Gəncə təmsilçisi sonrakı ev oyunlarını fors-major hal olmasa, bizim stadionda keçirəcək".
GÜNAY SÜLEYMANOVA
Digər xəbərlər
