"Samet Aybabanın Almaniyada Juninyonu izləmədiyi dəqiqdi. Amma hər kəs kimi o da ekran qarşısında izləyə bilər. Menecerlər Juninyonu "Beşiktaş"a təklif edib, lakin klub hələ bunu müsbət dəyərləndirməyib. Mövsümün sonuna kimi nələr olacağını deyə bilmərik. Kluba çox yaxın mənbədən əldə etdiyim məlumata görə, Juninyonu bəyənmək xəbərləri həqiqəti əks etdirmir. Çünki "qartallar" yeni mövsümə çempionluq hədəfi üçün başlayacaq. Fernando Santoşun da təklif etdiyi siyahı var. Təbii ki, əvvəlcə o siyahıya yönələcəklər. Həmin siyahıdakılar alınmasa, son variant kimi Juninyo variantına baxa bilərlər. Məsələnin digər tərəfi də ondan ibarətdi ki, son dönəmlərdə Türkiyədə Fernando Santoş tənqid hədəfinə tuş gəlib. Mətbuat və futbol ictimaiyyəti tərəfindən oynatdığı futbola, oyun fəlsəfəsinə görə ciddi tənqid olunur. Heç bilinmir ki, Santoş mövsümün sonunda "Beşiktaş"da qalacaq, ya yox. Sonda bir daha qeyd etmək istəyirəm ki, klub rəhbərliyi tərəfindən Juninyo ilə bağlı nəsə bir hərəkətlilik yoxdu. Amma skautlar və menecerlər tərəfindən komandaya təklif edilib. Hələ ki klub nə müsbət, nə də mənfi cavab verib".