“Əldə etdiyim məlumata görə, Juninyonu bir aydan çoxdu izləyirlər. Təkcə “Beşiktaş” yox, Türkiyənin başqa klubları, əsasən də Anadolu təmsilçiləri. Bu futbolçu haqqında bütün detalları skaut kollektivi “Beşiktaş”a təqdim edib.

Hazırda “qara qartallar”ın da oyun üslubunda və planında Juninyo kimi hücumçuya ehtiyac olduğu görünür. Belə ki, ikili mübarizələrdə sürəti hesabına rəqibini üstələyən və Fernando Santoşun da oyun planına uyğun gələn bir profildi. Son dönəmlərdə Fernando Santoşun “Beşiktaş”ını izləyərkən görürük ki, komanda “az qol buraxım” taktikasıyla meydana çıxır. Yəni bu oyun planında da Juninyo sürətli ötürmələr fonunda müdafiənin arxasına atılan və ya yaranan boşluqlardan sürəti hesabına maksimum istifadə edə bilən fiqurdu. Amma bu, Juninyonun “Beşiktaş” keçəcəyi anlamına gəlmir. Hətta klubun idman direktoru Samet Aybabanın Almaniyaya gedəcəyi xəbəri də yalandı. Çünki Aybabaya yaxın bir türkiyəli həmkarıma belə bir şeyin olmadığını söyləyib.

Təbii ki, hər şey ola bilər. Ancaq onu deyə bilərəm ki, Juninyo “Beşiktaş”ın transfer siyasətində əsas oyunçu deyil. Sadəcə, hücum xəttinə düşünülən 4 variantdan biridi. İlk 2 variantda olmasa da, 3-4-cü variantlardan biridi. Əldə etdiyim məlumat bunlardan ibarətdi. Həm də nəzərə alaq ki, Fernando Santoş portuqaliyalı mütəxəssisdi, Braziliya ilə Portuqaliyanın mentallığı çox uyğundu. Hətta demək olar ki, eynidi. Bu baxımdan çalışdırıcıyla rahat şəkildə anlaşa bilər”.