"Qarabağ" dünən 2023/24 mövsümü üçün ilk transferini həyata keçirdi.

"Football-plus.az" xəbər verir ki, Ağdam təmsilçisi Vieyra Juninyonu "rənglərinə bağladı". "Köhlən atlar" braziliyalı ilə 3 illik rəsmi sözləşmə imzaladı. Yarımmüdafiəçi hazırda Bakıdadı. O, sabah Ağdam təmsilçisinin Avstriyadakı düşərgəsinə qoşulacaq.

Redaksiyamıza "Qarabağ"la bağlı məlumat daxil olub. Vieyra son transfer olmayacaq. Ağdam təmsilçisi indi hücumçu axtarışlarını sürətləndirib. Musa Qurbanlının son çempionu tərk etmək ehtimalı var. Məhz bunu nəzərə alan Ağdam təmsilçisinin məşqçilər heyəti yeni forvardın alınmasının vacibliyini rəhbərliyə bildirib.

Maraq üçün qeyd edək ki, "Qarabağ"ın skaut heyəti axtarışı daha çox Portuqaliya və Braziliyadan edir. Məhz bu ölkələrdə çıxış edən hücumçulardan biri yaxın günlərdə transfer edilə bilər.

İLKİN SULTANLI