“Öncəliklə “Qarabağ”a “Bayer-04”lə oyunda uğurlar arzulayıram. “Bayer-04”ün “Volfsburq”a qarşı son oyununu izlədim. Çox cəld və sürətli oyunçuları var. Müdafiədəki nataraz oyunu hücum xəttinin çevikliyi ilə əvəzləşdirirlər. Təbii ki, “Qarabağ”a oyun sxemi ilə bağlı məsləhət vermək bizə düşməz. Amma rəqibin oyun tərzini nəzərə alaraq iki məqamı vurğulamaq istəyirəm. Yüksək pressinq xətti və çox geniş cinah hücumu. Bu iki amil “Bayer-04”ün oyununu pozmağa və arzulanan nəticə qazanmağa kömək edə bilər. Elvin Cəfərquliyevin məhz bu baxımdan faydalı iş əmsalı yüksəkdi. İnanıram ki, komanda oyuna işi bitirmək əhval-ruhiyyəsi ilə çıxa biləcək. Azarkeş dəstəyi də çox önəmlidi. Qürbətçi soydaşlarımızın “Qarabağ”a tam dəstək vermələrini istəyərdim”.