UEFA-nın rəsmi saytı "Qarabağ" və "Bayer-04" klubuları arasında Avropa Liqasının 1/8 final mərhələsinin Bakıda keçiriləcək ilk oyunu haqda yazıb.
-04
"Football-plus.az" xəbər verir ki, Avropanın ali futbol qurumunun saytı Ağdam klubunun "Bayer-04"lə düşməsini həvəslə qarşılamadığını iddia edib:

"Avropa Liqasının qrup mərhələsində ölkə çempionu “Bayer-04”ə səfərdə (1:5) və evdə (0:1) uduzmuşdu. Bu baxımdan “Qarabağ” tərəfindən Almaniya lideri ilə yeni görüş həvəssiz qarşılandı. Digər tərəfdən, Ağdam klubu ilk dəfə avrokuboklarda 1/8 finala yüksəlib və onların baş məşqçisi Qurban Qurbanov bu yaxınlarda Xabi Alonsonun iş üsulları ilə tanış olmaq üçün Leverkuzenə səfər edib".

"Qarabağ" - "Bayer-04" oyunu martın 7-də Bakıda, Tofiq Bəhramov adına stadionda keçiriləcək. Görüşə 21.45-də start veriləcək.