Kənan Kərimov ot örtüyündən şikayətləndi
1-ci liqada qış fasiləsinin ardından “Karvan” elitaya qalxmaq yolunda inamlı addımlar atırdı.
Belə ki, yevlaxlılar ardıcıl üç oyunda rəqiblərini məğlub etməyi bacardı. Lakin “İmişli”ilə oyunda qələbə seriyası dayandı. Cümə axşamı səfərdə 0:2 uduzan komandanın baş məşqçisi Kənan Kərimovla əlaqə saxladıq:
“2-ci dövrəyə daha yaxşı başlamışdıq. 3 qələbə və ardından “İmişli”yə qarşı məğlubiyyət. Yenə də ümidimizi itirmirik. Bizə ən böyük problem yaradan ot örtüyünün ideal olmamasıdı. Bu problem həm öz doğma meydanımızda, həm də “İmişli”nin stadionunda yaşanır. Qarşıda 11 tur var. Hələ heç nə bitməyib. Biz də çalışacağıq ki, qalan turlarda yaxşı nəticə göstərək. Çempionluğ uğrunda sona qədər mübarizə aparacağıq”.
ƏSƏD SEYİDOV
Digər xəbərlər
