Domeniko Berardi yenidən zədələnib.

Bu səbəbdən uzun müddət oynaya bilməyən futbolçunun yaşıl meydana dönüşü uğursuz alınıb.

“Sassuolo”nun lideri A seriyasının “Verona” ilə matçında (0:1) növbəti dəfə sıradan çıxıb. Tanınmış insayder Nikolo Skiranın yaydığı məlumata görə, 29 yaşlı hücumçunun zədəsi ciddidi. Domeniko bu səbəbdən yalnız mövsümün ikinci yarısını deyil, yayda Almaniyada keçiriləcək Avropa çempionatını da buraxacaq.

Berardi “skuadra adzurra” ilə AÇ-2020-nin qalibi olub. O, cari mövsümdə A seriyasında 17 oyun keçirib, 9 qol vurub və 3 məhsuldar ötürmə verib.