Hər kəs Madriddə keçirilən ilk oyun kimi, bu qarşılaşmanın da gərgin mübarizə şəraitində keçəcəyini düşünürdü.

"Football-plus.az" xəbər verir ki, ancaq “Atletik” intriqanı çox tez öldürmək fikrindəydi. İlk oyunda qalib gələn basklar bu dəfə 13-cü dəqiqədə hesabı açdı. Sol cinahla irəliləyən Niko Uilyams cərimə meydançasına ötürmə verdi, qardaşı İnyaki isə qapının yuxarı küncünü “nişan aldı”. Gözəl və psixoloji baxımdan vacib qol meydan sahiblərini bir qədər də ruhlandırdı. 42-ci dəqiqədə İnyaki Uilyams qardaşının fərqlənməsinə şərait yaratdı. Simeone vəziyyətdən çıxış yolunu üçlü dəyişiklik etməkdə gördü. Ancaq sona yarım saat qalmış onun komandası növbəti qolu buraxdı. Oblak Sansetin zərbəsini qaytarsa da, top düz Qurusetanın önünə gəldi, o isə boş qapıya yol tapmaqda çətinlik çəkmədi. 3:0 artıq oyunun taleyinin həll olunması demək idi. Bununla belə, zədəli Qrizmannın köməyindən məhrum olan “Atletiko” təsəlli qolunu vurmağa can atırdı. Bu başqa məsələ ki, qonaqlar bir neçə əlverişli imkanı boşa verdi, bəzi epizodlarda “Atletik”i qapıçı Agirresabala xilas etdi. Beləliklə, aprelin 6-da keçiriləcək final oyununda “Atletik”lə “Malyorka” qarşılaşacaq. Təbii ki, Bilbao klubu bu oyunun favoriti olacaq.

Yeri gəlmişkən, “Atletik” – “Atletiko” oyunu “San-Mames” stadionunun tribunalarındakı azarkeşlərə yardım göstərilməsi üçün iki dəfə dayandırıldı. 36-cı dəqiqədə fanatlardan biri yardıma ehtiyac duyduğuna görə oyuna fasilə verildi. İş ondadı ki, eyni səbəbdən 2-ci hissə də gec başladı. Yenə qonaq fanatlar bask komandasının ultrasının hücumuna məruz qaldı. Bu dəfə də həkimlər tribunaya tələsdi. “Atletiko”nun prezidenti Enrike Sereso oyundan sonra buna görə qəzəbini gizlətmədi: “Bu adamlar indi xəstəxanadadı, biz onlardan xəbər gözləyirik. Heç kim stadiona özünü öldürmək və ya ölmək üçün gəlmir”.

yarımfinal, cavab görüşü
Atletik – Atletiko 3:0
İ.Uilyams, 13. N.Uilyams, 42. Quruseta, 61.
Atletik: Agirresabala, De Markos (Alvares, 89), Vivian, Paredes, Lekue, De Qalarreta (D.Qarsiya, 68), Prados, İ.Uilyams (Berenger, 80), Sanset (Qomes, 80), N.Uilyams, Quruseta (R.Qarsiya, 89).
Atletiko: Oblak, Molina (Barrios, 54), Saviç, Vitsel, Ermoso (Mandava, 53), Lino, Lyorente, Koke (Saul, 65), De Paul, Korrea (Depay, 54), Morata.
İlk oyun – 1:0.

Digər cavab görüşü fevralın 27-də keçirilib: Real Sosyedad – Malyorka 1:1, p. – 4:5 (ilk oyun – 0:0). Final oyunu aprelin 6-da Sevilyada keçiriləcək.

Reaksiya
Dieqo Simeone, “Atletiko”nun baş məşqçisi: