“Açıqladığımız rəqəmlərin içində işin sponsporluq tərəfi də var. Eyni zamanda Zaha öz haqlarına görə də əlavə sponsorlarla anlaşıb. Amma bunlar açıqlanan rəqəmin çox az bir hissəsini əhatə edir. İnsanlar hər şeyin pulla ölçüldüyünü düşünür. Amma bir şeyi unudurlar ki, biz ötən mövsüm üçün heyəti quranda heç ÇL-də də oynamırdıq! Bu oyunçuları güclü layihə hesabına komandaya gəlməyə razı sala bilmişik. Ümumiyyətlə, əsas motivasiyası pul olan oyunçuları transfer etmirik. Dediyim kimi, Zahanın rəqəmlərinə sponsor haqları da aiddi. Amma ortada iddia edilən qədər böyük məbləğlər yoxdu. Səlahəttin Bakinin açıqlamaları doğru deyil. Biz Zaha transferindən sonra heç nə demədik və heç kimə acıq vermədik. İndi də ortaya Zahanın xroniki zədəsinin olması ilə bağlı xəbərlər atıblar. Onun əzələsində yüngül zədə var və bu, hər kəsə məlumdu. Durumu tədricən yaxşılaşır. “Fənərbaxça” da onunla danışıqlara başlayarkən zədəsindən xəbərdar idi. Belə süni gərginliklər yaratmaq lazım deyil. Biz Şimanskini Türkiyəyə gətirməmişdik. Sadəcə, konkret məbləğ irəli sürdük və bundan artığını təklif edə bilməyəcəyimizi dedik. Ondan sonra danışıqları dayandırdıq. Bununla bağlı yazılı sübutlar da var. İstəsələr, təqdim edə bilərik. Yəni onu Türkiyəyə gətirməyimizlə bağlı yayılan şayiələr qətiyyən doğru deyil. Şimanski yaxşı oyunçudu. Onun səviyyəsinə söz ola bilməz. Amma biz 8-10 milyon avronu yalnız gənc oyunçulara görə xərcləməyə çalışırıq. Hər transferdə danışıqlar bir cür irəliləyir. Zahanın keçidi zamanı nələr baş verdiyinə toxunmaq istəmirəm. Zanyolonun transferində də onun xroniki zədəsinin olması ilə bağlı bir çox yalan söylənildi… Artıq mövsüm başlamaq üzrədi. Hər kəsi yeni mövsümə köklənməyə çağırıram. İkardi tezliklə Türkiyədə olacaq. Raşitsa ilə hələ anlaşmamışıq. Amma anlaşmağa yaxınıq. Uğurcan Çakır gündəmimizdə deyil. Onunla maraqlansaydıq, “Trabzonspor”a təklif irəli sürərdik”.