''Fənərbaxça''nın 1 aya yaxındı, ciddi şəkildə maraqlandığı və danışıqlar apardığı Uilfrid Zaha uğrunda mübarizəyə ''Qalatasaray'' da qoşulub.

"Football-plus.az" xəbər verir ki, bu məlumatı İngiltərənin ''Deyli Meyl'' nəşri yayıb. Hətta nəşr ''Cim-Bom''un məhşur vingerə astronomik məbləğ təklif etdiyini də yazıb. Söhbət illik 8 milyon funt sterlinq, yəni 9,23 milyon avroluq məvacibdən gedir! ''Fənər''dən fərqli olaraq ''Qalatasaray'' Çempionlar Liqasında oynayacaq və bu məqam komandaya əlavə üstünlük verir. Xatırladaq ki, ''Kristal Pelas''ın yetirməsi olan və uzun illərdi bu klubun şərəfini qoruyan Zaha bu yay sərbəst oyunçuya çevrilib. O, indiyə qədər ''Kristal Pelas''da 458 rəsmi oyunda 90 qol, 76 məhsuldar ötürməlik performans sərgiləyərək 166 qolun vurulmasında yaxından iştirak edib. ''Fənər'' Zahaya əvvəlcə 5 milyon avro maaş və hər il 2 milyon avro imza parası teklif etmişdi. Amma ''Kristal Pelas'' da mübarizədən çəkilməyib. Londonlular illik 6 milyon funt sterlinq təklif ediblər. Hələ ki, ən cəlbedici təklifi ''Qalatasaray'' irəli sürüb. Düzdü, Zahaya Səudiyyə Ərəbistanından da təkliflər var. Amma o, Avropada qalmağa üstünlük verir.

ƏLİ