“Edmonton”un hücumçusu Konnor Makdevid srağagün “Los-Anceles”lə oyunda iki məhsuldar ötürmə ilə yadda qaldı.

"Football-plus.az" xəbər verir ki, 27 yaşlı kanadalı cari mövsümdə artıq 91 xal toplayıb, onun hesabında 21 qol və 70 məhsuldar ötürmə var. Makdevid MHL tarixinə ardıcıl 8 mövsümdə ən azı 90 xal toplayan 6-cı hokkeyçi kimi düşdü. Ardıcıl belə mövsümlərin sayına görə rekord Ueyn Qretskiyə məxsusdu (13 mövsüm). Sonrakı pillələrdə Mayk Bosso (9), Yari Kurri, Deyl Haverçuk, Marsel Dionn və Makdevid (hamısı 8) qərarlaşıb.

“Vaşinqton”un müdafiəçisi Con Karlson bu amluanın oyunçuları arasında klub rekordu müəyyənləşdirdi. “Ottava” ilə oyun 34 yaşlı amerikalı üçün “Kepitalz”ın heyətində 984-cü qarşılaşma oldu. Kalle Yohannssonu arxada qoyan Karlson artıq “Vaşinqton” forması geyən müdafiəçilər arasında rekordçudu. Bütün mövqelərin oyunçularına gəlincə, rekordçu Aleksandr Oveçkindi (1401). Karlson bu göstəricidə üçüncüdü, çünki 2-ci yerdəki Niklas Bekstrem 1105 oyun keçirib.

MHL-də seçilən hokkeyçilər arasında David Pastrnyak da var. “Boston”un forvardı klub tarixinə bu liqada 700 xal həddinə çatan 10-cu oyunçu kimi düşdü. Çexiyalı hücumçu srağagün “Sietl”lə oyunda iki qol və bir məhsuldar ötürmə ilə yadda qaldı. Məhz ilk qol 700 xal həddinə çatmasına imkan verdi. “Boston”un bu göstəricidəki rekordçusu Rey Burkdu - 1579 (410+1169) xal. 2-ci yerdə 1339 (556+813) xal toplayan hücumçu Conni Butsik, 3-cü yerdə isə bir başqa hücumçu Patris Berjeron qərarlaşıb - 1040 (427+613) xal.

“Florida”nın qolkiperi Sergey Bobrovski MHL-də 389-cu qələbəsini qazandı. Komandasının “Baffalo”nu 3:2 məğlub etdiyi oyunda 35 yaşlı rusiyalı “çərçivə”yə gedən 28 zərbəni dəf etdi. MHL-də qələbə sayına görə çexiyalı Dominik Qaşekə çatan Bobrovski bu göstəricidə avropalı qolkiperlər arasında 2-ci pilləyə yüksəldi. O, indi yalnız isveçli Henrik Lundkvistdən (459 qələbə) geri qalır.

27 fevral
Vaşinqton – Ottava 6:3 (4:2, 2:1, 0:0)
Dallas – Aylenders 2:3 ОТ (0:1, 2:1, 0:0, 0:1)
Edmonton – Los-Anceles 4:2 (1:1, 1:1, 2:0)
Sietl – Boston 4:3 Б (0:1, 1:1, 2:1, 0:0, 1:0)

28 fevral
Detroyt – Vaşinqton 8:3 (2:0, 3:2, 3:1)
Monreal – Arizona 5:2 (1:0, 1:1, 3:1)
Toronto – Veqas 2:6 (0:0, 1:3, 1:3)
Filadelfiya – Tampa-Bey 6:2 (1:0, 0:1, 5:1)
Florida – Baffalo 3:2 (2:1, 0:0, 1:1)
Vinnipeq – Sent-Luis 4:2 (3:1, 0:1, 1:0)
Minnesota – Karolina 2:3 (2:1, 0:1, 0:1)
Neşvill – Ottava 4:1 (2:1, 1:0, 1:0)
Kalqari – Los-Anceles 4:2 (0:0, 2:2, 2:0)
Kolorado – Dallas 5:1 (2:1, 3:0, 0:0)
Vankuver – Pittsburq 3:4 ОТ (2:0, 1:2, 0:1, 0:1)
San-Xose – Nyu-Cersi 2:7 (1:0, 0:3, 1:4)