Yanvarın 11-nə nəzərdə tutulan Gəncə tədbiri çərçivəsində akademiyanın açılışı və jurnalislərin ora gedişi də nəzərdə tutulmuşdu. Görəsən, indi durum nə yerdədi? Yenə jurnalistlərin səfəri nəzərdə tutulubmu?
Bu suallarla AFFA-nın Mətbuat və İctimaiyyətlə Əlaqələr departamentinin rəhbəri Elnur Məmmədli ilə əlaqə saxladıq. Onun “Football-plus.az”a söylədikləri:
“Bu dəfə bir qədər fərqli addım atdıq. AFFA rəhbərliyi və İcraiyyə Komitəsinin üzvləri tanışlıq məqsədi ilə akademiyaya baxdı. Jurnalistləri bir həftə sonra aparmağı düşünürük. Akademiyanı görsünlər, bir gün orda qalsınlar. Bu dəfə otellərdə yer yox idi deyə, bu planı reallaşdıra bilmədik”.
GÜNAY SÜLEYMANOVA
