Vadim palataya köçürülüb, Gəncədən soraq yoxdu
Yanvarın 11-də Gəncədə keçirilməli olan AFFA İcraiyyə Komitəsinin iclasının təxirə salındığını xəbər vermişdik.
Həm həmin iclasın nə vaxt keçiriləcəyini öyrənmək, həm də Gəncə Futbol Akademiyasının açılışı ilə bağlı bilgi almaq üçün AFFA-nın İnformasiya İctimaiyyətlə Əlaqələr Departamentinin rəhbəri Elnur Məmmədli ilə danışdıq:
“Məlumat rəsmiləşən kimi xəbər verəcəyik. Ayın sonunda və ya gələn ayın ilk günlərində olacaq. Həmçinin Gəncə Futbol Akademiyasını açılışı ilə də bağlı rəsmiləşən kimi xəbər verəcəyik”.
Elnur bəydən Vadim Vasilyevin sağlıq durumu ilə də bağlı xəbər almaq istədik. Sonuncu dəfə bu barədə danışarkən veteran futbolçunun reanimasiyada olduğu və təzyiqinin sabit olmadığı deyilmişdi:
“Vadim Vasilyevin indiki vəziyyəti sabitdi. O, bir neçə gündü palataya köçürülüb. Həyatına təhlükə yoxdu. İnsultdan sonra sol tərəfində hərəkətlilik yoxdu. Artıq reablitasiya mərhələsi başlayıb. Bundan sonra normal həyata qayıtması üçün fizioterapiya ediləcək”.
KAMAL SƏFƏR
Digər xəbərlər
