“Hamımız üçün sevincli gün oldu. Uğurlu və tarixi qələbədi. Amma onu da qeyd edək ki, rəqib Avropanın ən ciddi komandalarından biridi. Həmin stadionda keçirilən “Real”la oyunu xatırlayaq. Madrid təmsilçisi çətinliklə 2:1 hesablı qələbə qazana bilmişdi. Oyunqabağı açıqlamamda da demişdim ki, ciddi olmalıyıq, sona qədər mübarizə aparmalıyıq, hər şey istədiyimiz kimi olsa, uğurlu nəticə qazana bilərik. Hər şey istədiyimizdən də yaxşı oldu. Doğrusu, “Braqa”nın oyunçularının müsahibələrində elə bir meyl hiss etmədim. Əksinə, onlar deyirlər ki, mübarizə irəlidədi, geridönüş edə bilərik. Digər suala gəlincə, yetərincə məsuliyyətli olmamaq mərhələ adlamağa mane ola bilər. Eyni zamanda, matça ciddi yanaşmamaq və arxayınlaşmaq buna daxildi. Qurban Qurbanovun komandasında belə hadisələr çox nadir hallarda olur. Bəlkə də olmur. Ona görə də bu boşluqların olmayacağına inanırıq. Amma çox çətin olacaq. Hətta deyərdim ki, burdakı oyun daha ağır olacaq. Çünki rəqib ciddi komandadı və cavab görüşünə daha ciddi yanaşacaq”.