Xatırladaq ki, futbolçu əvəzedici heyətlərin oyununda komanda yoldaşını vurduğuna görə Tovuz klubunun əsas heyətindən uzaqlaşdırılmışdı. Görəsən, Budaq Yevlax klubundakı debüt oyununda necə təsir bağışlayıb? Bu sualla "Karvan"ın baş məşqçisi Kənan Kərimova müraciət etdik. Onun "Football-plus.az"a söylədikləri:
"Budaq artıq bir həftədi komandamızdadı. İşinə çox peşəkar yanaşır. Şükürlər olsun ki, hər şey qaydasındadı. Debüt oyunu oldu. Çox razı qaldım. Verdiyim tapşırıqların öhdəsindən layiqincə gəldi. Budağa həm xarakter, həm də oyun baxımından çox güvənirik. İnanırıq ki, gələcək oyunlarda bizə laızmı qədər köməyi dəyəcək".
GÜNAY SÜLEYMANOVA
