"Braqa"nın (Portuqaliya) baş məşqçisi Artur Jorjenin Avropa Liqasının pley-offunda "Qarabağ"a qarşı keçirilən matçdan sonra baş tutan mətbuat konfransının tam variantı...

– Oyunu necə təhlil etmək olar? Sizcə, nə yolunda getmədi?
– Hədəflədiyimiz nəticəni qazana bilmədik. Qısası, futbolçulardan tələb etdiyim oyun bu deyildi. Rəqib üstün oldusa, günah bizimdi. Onlar səhvlərimizdən istifadə edib bizi cəzalandırdı.

– Üç həftə əvvəl yaxşı nəticələr qazandığınıza görə jurnalistlərə ziyafət vermişdiz. İndi heç nə yoxdu! Bunu necə izah edirsiz?
– Son altı oyunda təkcə “Sportinq”ə məğlub olmuşuq. Hər şey nisbidi. Deməzdim ki, komandan böhrandadı. Lakin narahat olduqlarını hiss edirəm. Təbii ki, biz belə zəif oyun nümayiş etdirərək azarkeşlərimizə xəyanət etdik. Üzr istəyirəm...

– Sizcə, komandada nə dəyişdirilməlidi ki, uğursuz günlər geridə qalsın? Motivasiya əskikdi?
– Xeyr. Əksinə, özümü çox güclü hiss edirəm. Futbolçularım da özünə güvənir. Hər oyuna necə hazırlaşdığımızı izləyə bilərsiz. Biz çox istəkliyik. Bəzi futbolçular komandada getmək istədiyi halda mane olduq. Bəlkə onların fərdi səhvləri bizə mənfi təsir göstərir. Yenə də ad çəkib kimisə günahlandırmaq istəmirəm. Hamımız məbluğ olduq.

– “Braqa”dakı karyeranızda ən pis oyun bu idi?
– Etiraf edim ki, bəli, məhz bu matçı heç vaxt unutmayacağam. Mənə çox baha başa gəldi. Mənim də hisslərim var. Çətindi, amma tənqidləri qəbul etməliyəm. Çünki iradlar ədalətlidi. Azarkeşlərimiz məğlubiyyətə layiq deyildi. “Braqa” gözləntiləri qarşılamadı və məsuliyyət mənimdi.

– Cavab oyununa hazırlaşa bilmək üçün yaxşı şəraitiniz var?
– Bəli. Durumu dəyişmək üçün həm gücümüz, həm də motivasiyamız çoxdu.

– Heyətdə bahalı və təcrübəli futbolçular var. Kuboku qazandız, yaxşı nəticələr əldə etdiz. Narahatlıq var idisə, niyə son günlərə qədər hiss olunmurdu?
– Bunu təhlil edəcəyik. “Benfika” ilə “Portu”ya məğlub olandan sonra bəzi problemlər ortaya çıxıb. Demişdim ki, yanvar ayı mürəkkəb olacaq və komandanı ruhdan sala biləcək nəticələr qeydə alınacaq. Mən buna narahatlıq deyirəm, amma bu da yorğunluqdu.

– Əvvəlcə üç qol buraxdığız 15 dəqiqəni izah edin. Sonra da vəziyyəti dəyişməyə qadir olub-olmadığınızı...
– İkinci hissə başlayanda hesabda önə çıxmağa çalışırdıq. Nəticədə müdafiə xəttində boşluqlar yarandı və qol buraxdıq. Üçüncü və dördüncü qollar isə bəxtsizlikdən oldu. Hələ ki oyunun ilk hissəsi başa çatıb. Düzdü, Bakıdakı matç daha çətin olacaq, lakin bacarmaqdan başqa yol yoxdu. Bu gün bitdi, irəli baxmalıyıq.

KƏNAN BAHADIR