Dünən “Braqa” – “Qarabağ” oyunu ərəfəsində mətbuat konfransları keçirilib. Əvvəlcə meydan sahiblərinin baş məşqçisi Artur Jorje jurnalistlərin suallarını cavablayıb.

- Çox vacib maçtdan öncə “Sportinq”ə məğlub olduz. Bu məqam “Qarabağ”la oyuna necə təsir göstərəcək? Rəqibi yaxşı tanıdığınıza əminsiz?
– Bəli, “Qarabağ” hörmət etdiyimiz komandadı. Təhlillərə əsasən deyə bilərik ki, çox bacarıqlıdılar. Hər il Avropa yarışlarında iştirak edir və daxili çempionatda tam üstün oyun göstərir. Matç zamanı kimliyimizi unutmamalıyıq. İkinci oyuna sərfəli nəticəylə yollanmasaq, bizim üçün çətin olacaq.

– Cari mövsümə qədər titullar qazanmışdız. İndi isə eniş var. Görünür, nəsə səhv gedir...
– Məncə, belə deyil. Əksinə, böyüyürük. Bilirik ki, gözləntilər çoxdu. Lakin indiki mövqeyimiz xoşuma gəlir. Əlbəttə, azarkeşlər narazılıq etməkdə haqlıdı. Onlar baş məşqçinin daim daha çox çalışmasını tələb edir.

- Banza zədəsini sağaldaraq məşqlərə qoşulub. Nyakatenin durumu isə ürəkaçan deyil. Sizcə, bu futbolçular ağır matç üçün düzgün seçimdi?
– O oyunçularla hələ istədiyim kimi danışa bilməmişəm. Amma inanıram ki, başqa variantlara görə ən uyğun seçim məhz onlardı.

– Uzun illər “Braqa”da çıxış edən futbolçuları yola saldız. Bəlkə klubda nəsə yolunda getmir?!
– Təbii ki, xeyr. Bizimlə vidalaşan bütün oyunçular istər məşqçilərə, istərsə də komandaya böyük hörmətlə yanaşır. Sadəcə, müxtəlif səbəblərdən getməli oldular. Yəqin ki, yeni macəra axtarırdılar. 0:5 hesablı məğlubiyyətə görə belə sərt suallar verirsiz? Fəriqndəyik ki, azarkeşləri məyus edən, bizim üçün utandırıcı, tarixdən silinməyəcək çox pis nəticə qeydə alınıb. Amma bu məqamda “Qarabağ”la oyuna köklənməyimiz vacibdi. Bu oyunda yaxşı oyun göstərib sərfəli hesabı təmin etməliyik ki, özünəinamı bərpa edək. Xahiş edirəm, müsbət enerjiylə danışaq. Biz hamıya göstərəcəyik ki, “Braqa” bir oyunun nəticəsiylə dəyərləndirilməyə layiq deyil. Buna siz də inanın.

– Oyunun favoriti kimdi?
– Bu mövzuda balanslı danışmaq daha yaxşıdı. Nəinki məğlubiyyət, bərabərlik belə axtardığımız nəticə deyil. Qətiyyən rahat olmamalıyıq. “Qarabağ” belə oyunlara öyrəşib. Bilirik ki, rəqib bütün diqqətini bu matça cəmləyə bilib. Çünki onlar ölkə çempionatında şəriksiz liderdi. Oyuna ciddi yanaşmasaq, ən böyük səhvi etmiş olarıq.

– Bunu bacaracağınıza inanırsız?
– Bəli. Futbolçularımın nəyə qadir olduğunu bilirəm. Onlar yalnız və yalnız qələbə axtarışında olacaq.

“Braqa”nın futbolçusu Paulo Oliveyra da mətbuat konfransında iştirak edib. 32 yaşlı mərkəz müdafiəçisi meydanda məsuliyyətli və ciddi olacaqlarını bildirib: