“Füri Usikdən yox, ona uduzmaqdan qorxur”
WBA, IBF və WBO versiyaları üzrə superağır çəkinin çempionu Aleksandd Usikin (21-0) meneceri Egis Klimas WBC versiyası üzrə superağır çəkinin çempionu Tayson Füriyə (34-0) “qorxaq” deyərkən nəyi nəzərdə tutduğunu anladıb:
“Sosial şəbəkələrdə Taysona “qorxaq” demişəm. Mən heç də onun Usiklə döyüşməkdən qorxmasını nəzərdə tutmurdum. Tayson peşəkar döyüşçüdü, dəfələrlə rinqə çıxıb, qorxa bilməz. Tayson Aleksandr Usikdən yox, ona uduzmaqdan qorxur. Qorxusu bundandı. Bəlkə də bunu hiss etmir, amma belə qorxusu var”.
Bildiyiniz kimi, Füri ilə Usik fevralın 17-də qarşılaşmalıydı, ancaq sınaq döyüşündə britaniyalının qaşı partladığından döyüş mayın 18-nə təxirə salındı. Hər iki döyüşçü yeni tarixə razılıq verib. Görüş yeri isə dəyişməyib. Taysonla Füru yenə də Səudiyyə Ərəbistanının paytaxtı Ər-Riyadda üz-üzə gələcək.
Digər xəbərlər
