Petr Zyelinskinin “Napoli”ni yayda tərk edəcəyi məlum idi.

“İnter” rəhbərliyi artıq təcrübəli futbolçunun məsələsini həll edib. Məşhur insayder Fabritsio Romano bir neçə gün əvvəl tərəflər arasında aparılan danışıqların müsbət yekunlaşdığını xəbər vermişdi. Son xəbərlərə görə Petr artıq bazar ertəsi “İnter” üçün gizlicə tibbi baxışdan da keçib.

29 yaşlı polşalı yarımmüdafiəçinin “Napoli” ilə müqaviləsinin müddəti iyunun sonuna qədərdi. 2016-cı ildən bu klubda çıxış edən Zyelinski cari mövsümdə meydana çıxdığı 27 oyunda 3 qol vurub və 3 məhsuldar ötürmə edib.