Bu qış Saşa Boe, Sedrik Bakambu və Anxelinyo ilə yolları ayıran “Qalatasaray” daha iki futbolçu ilə vidalaşıb.

“Football-plus.az” xəbər verir ki, gənc sol cinah müdafiəçisi Kazımcan Karataş “Ankaragücü”yə, bir çox klubun gündəmində olan Xəlil Dərvişoğlu isə “Hatayspor”a icarəyə verilib. Kazımcanın ikinci dövrə üçün məvacibini paytaxt təmsilçisi ödəyəcək.

“Hatayspor” isə Xəlilin icarə haqqı kimi “Cim-Bom”a kiçik bir məbləğ ödəyəcək. Hər iki futbolçu mövsüm bitəndən sonra geri dönəcək. Sol müdafiəçi olan Kazımcan bu mövsüm 12 rəsmi oyunda qol və ya ötürmə ilə fərqlənməyib. Xəlil isə 20 rəsmi oyunda hesabına 4 qol, 1 məhsuldar ötürmə yazıb.