Kriştiano Ronaldo komandasının “Əl-Hilal” ilə yoldaşlıq oyunundan sonra ikiqat məyusluq yaşayıb. Onun formasını geydiyi “Əl-Nəssr” 0:2 hesabıyla məğlub olub.

“Football-plus.az” xəbər verir ki, “Əl-Hilal”ın azarkeşləri portuqaliyalı hücumçunun topa hər toxunuşu zamanı Lionel Messinin adını qışqırıblar. Bir neçə dəfə əlləri ilə qulaqlarını örtən Kriştiano hətta tribunaya yönələrək “Burda Messi deyil, mənəm” deməyə məcbur olub. Ronaldo matçdan sonra onun üzərinə “Əl-Hilal”ın şərfini atan fanata qarşı təhqiramiz jest də edib: şərfi yerdən götürən ulduz futbolçu onu qasıq nahiyəsinə toxundurduqdan sonra yerə tullayıb.