“Kubokun ilk görüşündə hər kəs keyfiyyət fərqinin şahidi oldu. Çempionatda belə nəticəni hələ ki "qəza" adlandıraq. Normal halda “Neftçi” uduzmamalıydı, amma bir çox məqam var idi - stadionun açılışı, “Sumqayıt” futbolçularının azarkeşlərinə özlərini sübut etmək həvəsi, kubokdakı ilk oyunun qisası və s. “Neftçi” isə oyundan qopmuşdu, Bojoviç də bildirdi ki, yaxşı hazırlaşa bilməyiblər. Düzdü, bunun günahını yəqin bizdə görməzlər. Qoy bu oyun dərs olsun komandaya. Çıxıb kubokda rahatlıqla “Sumqayıt”a qalib gəlmələrini gözləyirik. Cavab görüşünə necə hazırlaşacaqlarını məşqçidən soruşsaz, daha yaxşı olar. “Forza” yenə yerində olacaq. Sumqayıtdakı möhtəşəm dəstəyin növbəti hissəsi “Neftçi Arena”da olacaq. Bizimlə birgə dəstək olmaq istəyənləri stadiona səsləyirik”.