“Klublar bizim birbaşa üzvlərimizdi və onları maraqlandıran mövzular bizim üçün çox vacibdi. Budəfəki iclasdan öncə Peşəkar Futbol Liqasının prezidenti Elxan Səmədov, vitse-prezident Aslan Şahgəldiyev ilə ümumi gündəliyi müzakirə etmişdik. Buna əsasən, qeyd olunanlarla bağlı PFL olaraq fikrimizi bildirdik, eyni zamanda tərəfimizdən nəzərdə tutulanları klub rəhbərlərinin diqqətinə çatdırdıq. Daha öncə də Klublar Komitəsinin bir sıra iclaslarında iştirak etmişəm. Müqayisə etsək, düşünürəm ki, ilin ilk iclasında çox fəal müzakirələrə yer verildi və daha interaktiv görüş baş tutdu. Ümumiyyətlə, PFL burda həmişə təmsil edilib. Məlum hadisəyə görə Aslan Şahgəldiyev və Elxan Səmədov bu görüşdə iştirak edə bilmədi. İdarə Heyətinin qərarına əsasən qurumu mən təmsil etdim. Gündəlikdə kifayət qədər çox mövzu var idi ki, hər birini ətraflı müzakirə etməyə çalışdıq”.

“Bilirsiz ki, bu sistem ölkəmizdə tətbiq olunur və qurğunun faydalarından həm premyer-liqa, həm də kubok matçlarında yararlanırıq. Bizim üçün yenilik olduğundan, təəssüf ki, futbol ictimaiyyətinin əksəriyyəti VAR-ın necə fəaliyyət göstərdiyini bilmir. Buna görə görüşə məhz belə məsələləri müzakirə etməklə başladıq. İnanıram ki, klub nümayəndələrinin bu mövzuyla bağlı sualları cavabsız qalmadı. Əsasən açar xətlərin necə çəkildiyi, kameraların çəkiliş etdiyi mövqelər kimi mövzular haqda danışdıq. AFFA Hakimlər Komitəsinin sədri Barış Şimşək bütün iştirakçılara dolğun informasiya verdi. Ümumilikdə görüşün gündəliyi haqda daha ətraflı danışmaq fikrim yoxdu. Onu deyə bilərəm ki, biz tərəfdən mövsümlük məsələlərin müzakirəsi aparıldı. Həm mən, həm də AFFA-nın baş katibi Sərxan Hacıyev tərəfindən klub nümayəndələrinin bütün sualları cavablandırıldı. Bildirim ki, Klublar Komitəsinin qərar vermək səlahiyyəti yoxdu, yəni sadəcə, tövsiyələr verə bilər. Əsas odu ki, arada çox səmimi münasibətlər var və hər kəs öz fikrini rahatlıqla ifadə edə bilir”.