Nəhayət, Cessi Linqardın 7 aylıq həsrəti sona çatır. O, uzun sürən işsizliyə son qoymağa yaxındı.

İngiltərə millisinin sabiq oyunçusunun yeni klubu müəyyənləşib. “Sky Sports”un yaydığı xəbərə görə, 31 yaşlı yarımmüdafiəçi karyerasını Asiyada davam etdirəcək. O, “Seul” ilə 2 illik müqavilə imzalayacaq. Linqard Koreya klubuna azad agent kimi keçəcək.

Cessinin sonuncu klubu “Nottingem Forest” olub. Bu komandada 2022/23 mövsümündə çıxış edib və müqaviləsi yenilənmədiyi üçün 7 aydı işsizdi. Linqardın daha əvvəl “Mançester Yunayted”, “Lester”, “Birmingem”, “Brayton”, “Derbi Kaunti” və “Vest Hem”də oynadığını da xatırladaq.