“Klub rəhbərliyi və komanda ilə görüşmüşük. Vaxt verdiyimizi də elan etmişdik. Artıq səbrimiz qalmayıb. Bu barədə rəsmi “instaqram” hesabımızda da paylaşım etmişik”.

“Bildirmək istəyirik ki, komandada gedən proseslər heç də ürəyimizcə deyil. Komanda olaraq birlik olmağı bacarmayan kollektivə iradlarımızı bildirərək onların daha yaxşı olması üçün şans versək də, artıq heç nəyin düzəlmədiyini görürük. Xüsusi qeyd etmək istəyirik ki, ötən ilin dekabrında komanda və məşqçilər ilə görüşümüz olub. Narazı olduğumuz məqamları bildirmiş və məşqçilər heyətinin diqqətinə çatdırmışdıq ki, onlara fevralın sonuna qədər sonuncu pillədən qurtulmaq üçün vaxt veririk və bu olmayacağı təqdirdə onları istefaya səsləyəcəyik, lazımi tədbirləri görəcəyik. Bu vaxtı verərkən Elmar Baxşıyevin və komandasının bizə qazandırdığı uğurları nəzərə alaraq şəxsiyyətinə hörmət əlaməti kimi bu qərarı vermişdik və ümid edirdik ki, komanda qış toplanışını yaxşı keçirəcək, qışdan sonra qələbələri sıralayaraq premyer-liqada qalmağı bacaracaq. Ancaq qış fasiləsi zamanı yoxlama oyunlarının və indiki oyunun bizi heç qane etmədiyini bildirir və hər kəsi toparlanmağa dəvət edirik! Hər kəsə bildirmək istəyirik ki, bizim üçün Qəbələ adı, şərəfli forması və loqosundan böyük heç bir kəs və heç bir şey yoxdu! Və onu da qeyd edək ki, artıq fevralın sonunu gözləmək üçün səbrimiz yoxdu. Önümüzdəki bir neçə turda lazımi xallar toplanmasa, tribunamızdan İSTEFA şüarlarını eşitdikdə təcüblənməyin!!!

Komanda ilə azarkeş qrupumuzun görüşü zamanı baş məşqçimiz Elmar Baxşıyev bildirmişdi ki, transfer olunan bütün futbolçuları mən bəyənib kamandaya cəlb etmişəm və məsuliyyət mənimdi. İndi də biz futbolçulardan və oynanılan oyundan narazı olduğumuzu bildirir və “zəhmət çəkin komandanı düzəldin, yox, düzəldə bilmirsizsə, çıxın gedin, bacaran gəlsin” deyirik”.