“Kadis”in yeni baş məşqçisi müəyyənləşib. Komandaya Maurisio Pelleqrino təyinat alıb.

"Football-plus.az" xəbər verir ki, o, bir neçə gün əvvəl istefaya göndərilən Serxio Qonsalesin yerini tutub. Rəhbərlik bu qərarı La Liqanın 21-ci turunda “Alaves”ə məğlubiyyətdən (0:1) sonra vermişdi. Qonsales komandanı 2022-ci ilin yanvarından çalışdırırdı. Ona xələf olan Pelleqrino ilə müqavilənin müddəti mövsümün sonuna qədər nəzərdə tutulub. Lakin komanda yüksək liqadakı yerini qoruyacağı halda 52 yaşlı argentinalı ilə əməkdaşlıq birilliyə yenilənəcək. “Kadis” hazırda turnir cədvəlində 21 oyuna 15 xalla 18-ci yeri tutur.