"Büdcəni nəzərə alanda ən kasıb klub bizik. Ona görə də hansısa qeyri-adi fəallıq gözləmirdik. Bir neçə il əvvəl "Kəpəz" qış toplanışını Yevlaxda keçirmiş, amma ilk oyundaca həmin dövrün güclüsü "Qəbələ"ni Gəncədə darmadağın etmişdi. Bu üzdən komandadan əsas gözləntimiz ruh və döyüşkənlikdi. Klub hazırda Gəncədə oynamadığından azarkeş dəstəyi azdı. Fanklub olaraq, iki mövsümdü üzərimizə daha çox yük düşüb. İmkan daxilində çalışırıq ki, daha çox azarkeşlə komandamızın yanında olaq. Komandamızın yeni stadionu hazır olandan sonra ölkə əsl azarkeş nədi onu görəcək".