"Azarkeş olaraq ev oyunlarımızın Qəbələdə keçirilməsiylə razı deyilik. Bu bizə pis təsir edir. Amma məsələyə dərindən yanaşsaq, Qəbələdə oynamaq komandamıza düşərli olacaqsa, dəstəkdən başqa əlacımız yoxdu. Mövsümün əvvəllərində nə oyun, nə də nəticələrimiz ürəkaçan idi. İndi isə inkişaf var. Özü də komandamızın aşağı liqaya düşmə zolağında olduğunu nəzərə alsaq, son turlar olduqca gərgin və həssas keçəcək. Biz istənilən halda komandamızın yanında olacaq və dəstəyimizi əsirgəməyəcəyik. İki məsələni xüsusi qeyd etmək istərdim. Birincisi, stadionumuzda nöqsanlar çox olsa da, ot örütüyü heç vaxt belə olmayıb. Hətta komanda 1-ci divizionda çıxış edərkən də bərbad olmayıb. Stadion rəhbərliyi ilə qazonun durumuna görə cavabdehlik daşıyan şəxslərdən hesab sorulmalıdı.

İkincisi, biz mövsümün əvvəlində də doğma meydanda oynamadıq. Məsələ sırf futbolçuları qorumaq, daha yaxşı meydanda oynamaqdısa, buna ikiəllə razıyıq. Amma yox, kimlərinsə məqsədi "Kəpəz"i Gəncədən uzaqlaşdırıb nəticələrinə birbaşa təsir göstərmək, komandanı uduzdurmaqdısa, buna imkan verməyəcəyik".